حرام كده

د/ ثروت باسيلي فى قناة المحور يدافع عن تعديل لائحة الاحوال الشخصية بشأن الطلاق فى مناظرة مع أحد المستشارين المعارضين لتعديل اللائحة ويدعى مستشار وليم فى برنامج ببساطة.

و بصراحة و ببساطة أنا كنت مذهول مما رأيت و سمعت...

الرجل –د/ثروت- مش لاقى حاجة يقولها

و مش لاقى أى تفسير أو تبرير للكارثة اللى هيعملوها غير كلمة "هو كدة"

اللى ظل يرددها طول الحلقة بطريقة تدعوا للخجل... مفيش طلاق إلا للزنى ... و مفيش طلاق مدنى...

واحد سألة و قالة أن واحدة جوزها مش طبيعى، بيطلب منها علاقة غير شرعية... قالة تروح المجلس الاكليريكى... قالة راحت، و قالولها مفيش طلاق إلا للزنا... طيب تعمل إية؟

رد الراجل بكل بساطة و قال "هو كدة" بدون أدنى خجل !!!

واحد تانى قال لى أن مراتة عاوزة تهاجر مع أهلها و هو رافض... خدت العيال من وراة وسافرت أمريكا... و طبعا هى مش زانية لأنها مسافرة مع أهلها و مش ميتة حكميا لأن مكانها معروف هناك من الكنيسة... و بعتت لجوزها و قالت لة يا تسيب حالك و محتالك و تسافر ورأى علشان أنا مش هأسيب أهلى يا مش راجعة... و برضة هيبقى الرد "هو كدة"

واحدة ثانية جوزها بيخونها و مش عارفة تثبت لأنها ببساطة مش مباحث و لا بوليس سرى و موقعش فى إيدها أى أدلة... جوزها الجدع عامل إحتياطاتة وواخد بالة... برضك الرد هو كدة!!!

واحد مراتة عايزا ينفق على أهلها لأنة من عيلة و هى واطية و إتجوزتة علشان فلوسة، و لما رفض إتبلت علية فى المحاكم فضلت الزوجة ممتازة لحد ما تبقى حامل و تخلف عيل بعد كدة عينك ما تشوف إلا النور تفتعل خناقة - و تسيب البيت - و تبداء الطلبات إياها

أمننى - أكتبلى أملاكك بيع و شراء

أهلى ييجوا يعيشوا معانا

و أنت -أقصد الزوج طبعا- ملزوم بيهم ماليا و غيرة و غيرة

و طبعا الزوج يرفض و تذهب الزوجة للمحكمة و تتهم الزوج بأنة طردها بقميص النوم فى الشارع، طلب نفقة و متجمد وما إلى ذلك و طبعا مفيش مانع نجيب شهود زور

و البعض الاخر يكون بقى وسط الأغنياء أهل الزوجة بيكونوا غيرانين من زوج بنتهم
عايزين بنتهم و العيال يكون ولائهم الاول و الاخير ليهم هم -أقصد أهل الزوجة- و الزوج مالوش حق فى أى شئ ولا يملك حتى يأخذ قرار فى حياتة أو حياة زوجتة أو أولادة.

و إذا إعترض تتبلى علية الزوجة بأمر أهلها طبعا و تروح المحكمة و البقية معروفة

كل دول ليهم رد واحد " هو كدة"

يا جماعة صدقونى الطلام دة مش هيحل المشاكل بالعكس الوضع دة هيخللى الناس تنفجر وحيخللى النلس يا تطلع من دينها علشان ترتاح من أقسام الشرطة و القضايا و جرجرة المحاكم أو تطلع من دينها خالص

صدقونى يا جماعة أنتوا كدة هتعثروا الناس أكثر

الغريب أن كل الناس دول مالهومش غير طلب واحد، الطلاق فقط و لو مدنيا، و مش عايزين تصريح جواز تانى، فقط عايزين يناموا مرتاحين من الاقسام و القضايا و الجلسات و النيابة و الإستيفا و طلبات الحضور فى القسم و النيابة و مصاريف و أتعاب المحامين.

لا أملك إلا أن أقول أولا حسبنا اللة و نعم الوكيل

و ثانيا، لابد يا جماعة أن نرد على هذا الكلام

مستحيل نمنع الطلاق المدنى حتى لو بدون تصريح جواز جديد مش مهم ، مش عاوزينة

القصص اللى بأحكى عنها دى معروفة و مكررة...

و كلها الطرف الظالم فيها مستفيد من أستمرار الزواج و المظلوم هو المضار و الخسران.

يا جماعة لازم صوتنا يوصل للحكومة علشان تر فض الكلام دة و تحمينا

شكرا للموضوع الجميل ربنا يبارك حياتك وخدمتك وتعب محبتك