ممكن تساعدونى

سلام المسيح معاكم انا جيالكم بمشكله النهارده فى بيتنا و هى كتير اوى بيعانى منها
بعبع البيوت الثـــــــــــــــــــــــــــــــــــــــانويه العـــــــــــــــــــــــــــامه
فاضل شهر على المتحانات و اخويا ابتدى يزهأ و مش بيذاكر و ابتديت اقلق عليه اوى
لدرجه انى حاسه انى انا اللى هدخل امتحن بداله
و المدرسين ابتدوا يشتكوا منوا اوى ووالدتى ابتدت اعصابها تتعب جدا
و هو ابتدى يدايق من كلمه ذاكر قلولى اتصرف معاه ازاى كل حاجه عملتها لدرجه انى وعدتوا اشتريلوا حاجات و بردوا مفيش فايده
يياريت تقولوا رأيكم اعمل معاه ايه علشان يذاكر انا بجد خايفه عليه اوى
و هو طبعا مش حاسس لانى مش مبينه حاجه علشات اعصابه متبوظش
ياريت الرد

انا بشكرك اختى لولا على الموضوع المعروض للماقشه وهو فعلا موضوع مهم جدا جدا
اولا يا لولا حاولى تصلى من اجل اخوكى علطول
دى اول حاجه بعدها ياريت تقعدى معاه وتتكلمى معاه عن مستقبله
خليه يفكر فيه حاولى تقوليله انت نفسك تبقى ايه وعايز تدخل كليه ايه
وعلشان الكليه اللى نفسك فيها لازم تذاكر وتثبت وجودك
وحسسيه بالمسؤليه بس مش بالتهديد لا بالحب انت بقيت راجل وفكر فى مستقبلك
لان لازم الانسان يكون حاصل على شهاده كويسه علشان يقدر يامن مستقبله قدام فى الحياه
لان الحياه بقيت صعبه ومش من السهل ان الواحد يلاقى فرصه عمل الا اذا كان خريج وكليه من كليات القمه كمان
شجعيه على المذاكره وحاولى كمان انك تذاكرى معاه فى وقت واحد علشان تشجعيه
وكمان ياريت تكلمى اب اعترافه فى الموضوع ده علشان يرشده ويصلى من اجله

يرسى كتير سامى لاهتمامك و محبتك الغاليه
الرب يباركك و يبارك حياتك و خدمتك
و ردك جميل اوى و بطلب صلواتكم لاجله