سؤالين من اسئله الاعضاء ومحتاجين اجابه

اهلا بيكم اخواتى الاحباء و ميرسى سامى لوضعك الاسئله هنا انا النهارده لاقيت عندى كتاب اسمه:
احداث و طقوس اسبوع الالام للانبا متاؤس اسقف عام
و لاقيت فيه حبت حاجات ممكن تجاوب على اسئلتكم الجميله
الاخت الغاليه انجى انا هجاوب على سؤالك من الكتاب و هو انك كنتى بتسألى عن ميعاد صلاه الجناز و الكلام اللى كان حواليها
الاجابه:

الاصل فى صلاه الجناز العام ان يعمل منفصلا عن القداس فكان الكاهن يعطى التسريح للشعب فى نهايه القداس كالعاده ليذهبوا الى بيوتهم و يتناولوا طعامهم و يستريحوا قليلا ثم يجتمعون فى الكنيسه ثانيا لحضور الجناز العام
و قد جاء فى كتاب الجوهره النفيسه فى علوم الكنيسه ما يلى :
يجتمع الشعب المسيحى لحضور التجنيز العام و ذلك خوفا من ان يتوفى احد فى اسبوع البصخه فانه لايجب رفع بخور الا يوم الخميس و يوم السبت فى هذا الاسبوع فهذا التجنيز يغنى عن الاربعه ايام التى يجب عدم رفع بخور فيها فاذا توفى احد المؤمنيين فليحضروه الى الكنيسه و تقرأ عليه الفصول التى تناسب التجنيز و يتم رش بعض الماء الذى حضر صلاه الجناز العام على المتوفى و الصندوق ان لم يحضر المتوفى صلاه الجناز العام و لم يرش بمائه
ده اللى لاقيته فى الكتاب اختى الغاليه اما عن رأى انا الخاص

اختى العزيزه عمر ما الكنيسه الارثوذوكسيه ما بتعمل طقس غلط و سامحينى اختى الطقس مش مشكلته بس الميعاد الصلاه كده كده بتتعمل يوم الاحد قبل بدء البصخه المقدسه و لكن الجوهر ليه هو بيتعمل و بيتعمل ازاى( صلاه الجناز) هو فى الاصل كان منفصل عن القداس لكن اعتقد ان بقينا نقوله على طول بعد القداس و ده
لظروف عمل الناس و شغلها الاول مكانش حد الزعف اجازه و كانت الناس بتستأذن علشان تحضره و تطلع على عملها على طول
و علشان كده الكنيسه بقت تعمله بعد القداس مباشره زى ما ابتدت الكنيسه تعمل قداسات يوم السبت و الجمعه و الاربعاء و
فى بعض الكنايس بتعمله كل يوم و ده للظروف العمليه و الحياه و الشغل و الامتحانات فبتحاول الكنيسه انها توفر كل حاجه لولادها
من و سائط النعمه مش معنى ان القداس بعد ما كان بيتعمل يوم واحد بقه بيتعمل كل يوم يبقى الطقس باظ او كنا مشيين على طقس غلط
يارب اكون جاوبت وو فيت الاجابه و مستنيه اى سؤال ليكى و المره دى متخافيش هسألك ابونا
و مستنيه ردك

شكرا لولا لمحبتك الغاليه وكمان لبحثك المستمر عن اجابه للاسئله الاعضاء
ربنا يوفقك ويبارك حياتك دائما وتفضلى منور المنتدى دائما

ميرسى سامى لتشجيعك و مرورك و خدمتك الغاليه
الرب يبارك حياتك و خدمتك

سلام و نعمه اخى العزيز ان هكتبلك اجزاء من كتاب
احداث و طقوس اسبوع الالام للانبا متاؤس العام يمكن تقدر تجاوب و هحاول ادور تانى و اجيبلك حاجات تانيه

تحاول الكنيسه فى اسبوع الالام ان تتابع خطوات فاديها و مخلصها خطوه بخطوه و ساعه بساعه و تسجل كل اقواله و افعاله و تحركاته فى هذا الاسبوع الاخير من حياته على الارض , تسجلها بالترتيب و النظام لكى تتأمل فيها و تستفيد منها و قد و ضعت الكنيسه
بيانا لكل يوم من ايام هذا الاسبوع تسجل فيه تحركات السيد المسيح و اقواله و افعاله و سجلته فى قطمارس اسبوع الالام
أحداث اسبوع الالام :
كان المسيحيون يعيدون عيد الفصح مع اليهود فى القرن الاول المسيحى كما احتفل به السيد المسيح له المجد مع تلاميذه .
و فى نفس الليله ابدله بالعشاء الربانى . بأن اخذ خبزا مختمرا بدل الفطير و خمرا بدل الخروف
و فى اواخر القرن الثانى المسيحى جلس عاى كرسى القديس مرقس الانبا اغربينوس العاشر فى اول مسسرى 25 يوليو 166فقرر ان الاحد التالى للفصح اليهودى هو عيد القيامه المجيد ليكون فرحهم بقيامه السيد المسيح عظيما و لما ارتقى فى كرسى البطريركيه الانبا ديمتريوس حدد بان اسبوع الالام تالى لصوم الاربعين و الفصح المسيحى و كتب بذلك الى البطاركه الثلاثه المتجده فى الانانه بطريرك انطاكيه و اورشليم و اسقف روميه

اما عن من الذى و ضع القراءات اولا احنا اتفقنا القراءات اتحطت على اى اساس و ان الكنيسه بتحاول فى هذا الاسبوع تتبع خطوات ربنا خطوه بخطوه و ساعه بساعه و على هذا الاساس و ضعت القراءات
اما عن اللى جه فى الكتاب بالنص عن من وضع القراءات :

كان القانون الرسولى يأمر بقراءه كل ما فى العتيقه و الحديثه سيما النبوات المعلنه ببوضوح تالم الرب يسوع عنا و تلاوه الفصول الملائمه للوقت الالذى كان فيه المخلص يحتمل الالام لخلاصنا كوعده .
فى اسبوع الالام المخلصه صار هذا ضروره لازمه للكل . حتى جلس الاب المكرم النبا غبريال الثانى _ ابن تريك البطريرك السبعون على كرسى مرقس الانجيلى بمدينه الاسكندريه فى 9امشير سنه 847 للششهداء _ 3 فبراير 1131 ميلاديه
و هذا كان كاتبا خادما بما تستلزمه الخدمه للمصلحه العامه فى الدواوين اذ كان هو من العاملين فيها فرأى ان الناس بالنسبه الى مشغوليتهم فى اعمالهم و خدمه الملوك و الوزراء و الخلفاء و باقى الاعمال الثقيله لا يستطيعون تكميل القانون الراسولى فجمع علماء كهنته و رهبان كثيرين من دير ابى مقار من ذوى المعرفه و الفهم . و اخذوا من كتب العتيقه و الحديثه ما يلائم ووضعوه كتابا و دعوه كتاب البصخه ( الفصح) رتبوا فيه صلوات باكر و اخر النهار نبوات و اناجيل ز بقيه الصلوات اللليليه و النهاريه و صاروا يعملون به الفصح فى بيعهم . حتى جاء الاب المكرم بكل نوع النبا بطرس اسقف مدينه البهنسا و هذا الاسقف المبجل و ان يكن تاريخه مجهولا
الا انه قد ذكر اسمه .( اولا) فى كتاب اللقان المررتب فى اليوم الخامس من شهر ابيب عيد الرسولين ابينا بطرس و معلمنا بولس
( ثانيا) : ذكره ابن كبر فى الباب الخامس عشر فى ترتيب تكريس المعموديه , و الذى رتبه انبا بطرس اسقف البهنسا فى تكريسها .
( ثالثا) رتب كتاب البصخه اذ نظر فيها فوجد انهم يتلون فى ساعه نبوات و اناجيل كثيره و اخرى قليله و لم يكن فيها غير انجيل واحد و لم يكن فيها غير انجيل واحد و لم يكن فيها نبوات
فجمع من العتيقه و الجديده و اضاف الى كل ساعه ما يلائمها فصارت تلاوه الساعات متساويه , ووضع لكل يوم عظتين من اقوال الاباء واحده لباكر و اخرى للغروب كما هو مدون فى كتاب البصخه و قراءه الاناجيل الربعه فى ليله الثلاثاء متى و ليليه الاربعاء مرقس و ليله الخميس لوقا . و ليله الفصح يوحنا و كذلك المزامير المائه و الواحد و الخمسين ليله سبت الفرح كما هو جار فى بيعتنا الى يومنا هذا
و فى المتحف القبطى بمصر القديمه بصخه مشهوره بنسخه زويله . كتبها القديس يوسف خادم كنيسه السيده العذراء الثريه بحاره زويله
بها طقس و بها نبذه سجعيه بشكل ابصاليه واضح فيها تطورات البصخه و تاريخ الترتيب للانبا غبريال و بعده النبا بطرس و هى لاتخرج عن المعنى السابق
اخى انا عارفه انى ممكن مكونش جاوبت بس هادور تانى و ده و عد و اسمحلى اقولك حاجه اللى كانوا بيعملوا ده و سلموا الكنيسه زى ماهى فى ايدينا حاليا و كتبوا قانون الايمان و حفظوا الايمان الرثوذوكسى سليم و اللى كتبوا الكتب و رتبوا الصلوات و عملوا حاجات جميله اوى و جامده اوى مش هما لوحدهم اللى عملوها بل ممكن كانوا هم اداه جميله حسنه بتحب الرب من كل قلبها و كيانها و الرب كان يفعل بها ما يشاء و ايضا ان كل هذا عمل الروح القدس و الرب و الاباء بركتهم الغاليه تكون معنا امين

الله الله يا لولا انا بجد مبسوط قوى بنشاطك وخدمتك فى المنتدى
ربنا يبارك تعب محبتك

الاخت العزيزة لولا مبروك خدمتك بمنتدي البابا كيرلس وربنا يوفقك وتكوني دايما موفقة وكل سنة وانتي طيبة وربنا يوفقك يا اخ سامي في خدمتك وكل سنة وانت طيب رامي

ميرسى يا رامى على مرورك الجميل وردك اللطيف وكل سنه وانت طيب ومنتظرين مواضيع حلوه ليك تشارك بيها معانا

اختي المحبوبه في الرب لولا بنت البابا انا متشكر جدا لمحبتك واهتمامك بالرد علي سؤالي وربنا يبارك حياتك وخدمتك ويجعلنا كلنا انيه تستخدم لمجد الرب اخوكي كرم

دكتور كرم بجد منور المنتدى بوجودك فيه وكلامك الجميل
واتمنى ان المنتدى يكون بينال اعجاب الجميع صلى من اجل الخدمه ومن اجلنا كلنا
وبجد احنا فى انتظار اى استفسار او سؤال او اقتراح او رائ وبجد بكون مبسوط قوى لما بلاقى مشاركات منكم
وبشكر المشرفه النشيطه جدا جدا جدا لولا وبقولها ربنا يباركك ويكون معاكى ويوفقك دائما يا اختى الغاليه اذكرينى فى صلاتك

انا عاجزه عن شكركم و محبتكم الغاليه ميرسى كتير سامى و رامى و استاذ كرم
ميرسى لمحبتكم الغاليه و حضرتك تــــــــــــــأمر يا استاذ كرم و اى عضو احنا مستنيين اسئلته و بجد بنفرح بيها اوى
الموضوع ده و الاسئله ده كانت بركه لكتير منا و اولهم انا عرفت حاجات لما دورت مكنتش عارفاها
و مستنيين و جودكم و اسئلتكم ووجودكم الغالى اللى دايما بيسعدنا
و بجد عاجزه عن شكر محبتكم الغاليه اخواتى
الرب يبارك حياتكم و خدمتكم أمـــــــــــــــــــــــــــــــيــــن
اذكروا ضعفى فى صلواتكم الغاليه