محتاجين ارائكم مع اول فضفضه

اسمحولي اكون انا اول المبتدأين انا هاحكي قصه مش بتاعتي لكن يهمني اعرف رايكم فيها وهاحاول علي اد ما اقدر اختصر انا ليا بنت صاحبتي بتحب انسان حب شديد جدا وهو كمان بيحبها قوي قوي فيه فرق ف السن بينهم هي اكبر منه بسنه واحده بتربطهم ببعض قصة حلوة فيها الاحترام والحب والصداقه ومتفقين علي الارتباط قريب لكن فيه مشكله بتقابلهم وهي ان ام الشاب مش موافقه علي الموضوع وبتعمل كل ما تتخيلوا علشان تبعدها عنه ولما بيتكلم معاها بتقوله ابدا انا هارفضها ليه هي بتتعامل مع البنت من ورا ابنها وحش جدا لكن قدامه بتبقي المعامله مختلفه تماما البنت مش عارفه تعمل ايه هل تبعد عنه مع انها بتحبه جدا وعارفه انها مش هتقدر تبعد ابدا عنه ولا تستني معاه وتشوف المركب هترسي فين اللي عنده راي يا ريت يكتبه يمكن يكون كلامنا هو طوق النجاة ليها واسفه ان كنت طولت عليكم joojoo[/b]

انا ليه رد بسيط جدا وبقول لصحبتك ان المسئله دى مش محتاجه كل التعقيد دا كله وانا من رائى ما ادام البنت والولد بيحترمو بعض ومتفيقن على الرتباط يزهبو هما الاتنين الى اب كاهن ويحكى لهم الموضوع وازن ان الاب الكاهن ها يحل الساله دى مع والد الشاب وانشاء الله ربنا ها يوفقهم واتمنالهم حياه سعيده

شكرا جداااااااااااااااااااااا
joojoo
على المشاركه الممتازه منك وربنا يبارك حياتك وخدمتك

ام بالنسبه للموضوع بتاع صحبتك
اولا الموضوع اللى انتى كتباه قصير جدا وكمان كان لازم تضيفى بعض المعلومات
زى هى هل الشاب عارف ان والدته بتعاملها وحش ولا لا
وكمان هما لو اتجوزوا هيعيشوا مع والدته فى نفس المكان ولا هيبقى ليهم مكان خاص بيهم
بعدها بقى انا هتكلم من منطلق معلومات عن الموضوع
وكلامى هيبقى بسيط وهو رائى الشخصى
اول حاجه تعملها وتقوم بيها هى الصلاه لربنا وتقوليه ارشدنى
وصدقينى ربنا عمره ما بسيب حد من اولاده محتار
ثانيا اب الاعتراف لما هتتكلم معاه باللسان وتقعد معاه هيفهم الموضوع اكتر من الكتابه وهيقدر بحكمته وخبرته الكبيره
انه يدلها للصح
او ممكن يذهب لوالده الشاب ويحاول يفهم سبب تعاملها مع الفتاه بالطريقه دى
ام عن رائى الشخصى انها
لو بتحبه بجد حب حقيقى هتستحمل اى حاجه من اى حد علشان خاطره لان الحب تضحيه قبل كل شئ
وكمان لازم تكون متاكده انه بيحبها مش ميه فى الميه
لا وسط الظروف دى مليون فى الميه
لان فى المتسقبل لو ارتبطوا لازم تحط فى بالها انها هتواجه مشاكل كتير بس لو بتحبه بجد هتستحمل اى شئ
ولازم علشان تتغلب على المشاكل دى يكون الوزج فى صفها مش مع الايام الزوج يسبها ويبقى مع والدته
وربنا يدبر حياتها ويرشدها لكل ما هو صحيح ومفيد

بسم الثالوث القدوس
اولا انا بشكرك على تعبك ومحبتك للاخرين
اللى احنا ممكن نكون مكانهم وميرسى لمشاركتك جداا
ثانياا لازم من الصلاة والاعتراف لان الاب الكاهن بيمر عليه ملايين المشاكل من النوع ده
ولو ربنا شايف انهم هيكملوا مع بعض اكيد هيهون عليهم كل المشاكل وهيحلها
ولازم رغم كل اللى مامت حبيبها بتعمله فيها هيه لازم تعاملها كويس جداا ومامته اكيد هتتكسف من اللى بتعمله وهتتحرج وتعاملها كويس
وبعدين صاحبتك بكرة يبقى ليها بيتها ومش ليها دعوة بحد غيره هوه
وبعدين لازم تعرف ان المر اللى ربنا بيختاره لينا افضل من الشهد اللى بنختاره لانفسنا
واكيد ربنا مش هيختار لينا حاجه وحشه
وزى ما صديقنا الله يرعانى قالى لازم يروحوا لاب كاهن ويرشدهم
وربنا معاهم ويوفقهم
معلشى طولت عليكى
سلام المسيح
استطيع كل شىء فى المسيح الذى يقوينى

طيب ممكن تكون مامته مش موافقة علشان فرق السن اللى بينهم
لو مش كدة يبقى

فعلا انهم يقولوا لاب اعترافهم
ويصلوا ان ربنا يرشدهم
وربنا معاهم ويوفقهم

انا اسف لردى هذا لكن العيب ليس من ام الولد او البنت العيب من الولد نفسه وهو موضوع سهل جدآ جدآ