التحرش اللفظى

موضوع النهارده موضوع بنشوفه دائما فى شوارعنا كتير قوى
وهو التحرش اللفظى للبنات ( المعاكسه )
ياترى ايه الاسباب اللى بتدفع الشباب انهم يعاكسوا بنت ماشيه فى الشارع
تعالوا كده نشوف مع بعض طبعا كله هيقول انه ولد مش مؤدب ومش كويس
انا معاكم فى الكلام ده
بس فى حاجات تانى بتخلى الولد يعمل كده
1_طريقه اللبس : وهنقول هنا كلام كتير قوى اولا اللبس على احدث صيحات الموضه
وطبعا كلنا بنحب الموضه ومتابعين جيدين ليها طيب ايه المانع اننا نكون متابعين للموضه بس
اهم حاجه فيها اننا نعرف نختار اللى يناسبنا بمعنى مش كل حاجه نشوفها نعمل زيها او نقلدها
تقليد اعمى يعنى نختار اللى يناسبنا منها بس لكن مى اى موضه جديده تنزل تبقى لكل الناس
يعنى لما بنت المسيح تلبس لابس مش كويس وتنزل بيه الشارع وشايفه نفسها انها شيك واستايل
مش طريقه لبسها ممكن تخليها تقع فى مشاكل !؟؟؟؟ مشاكل تحرش لفظى من ناس ماشيه فى الشارع
وطبعا الشوارع كلها مليانه ناس ومش كلهم المسيح فى قلوبهم ليه نخليهم يقولوا علينا اننا منفتحين قوى
على الغرب وبنقلدهم فى كل حاجه انا بسمع الكلام ده كتير قوى وكمان بيتقال علينا كلام مش كويس
بسبب لبسنا ياريت قبل ما تختارى احدث صيحات الموضه اختارى منها اللى يناسبك يا بنت المسيح
وقبل ما تنزلى من البيت بصى فى المرايه وشوفى نفسك واسالى نفسك هل اللبس ده فعلا يليق ببنت المسيح
وتخيلى نفسك قدام ربنا تقدرى تقفى قدامه باللبس ده ؟
على فكره انا مش ضد اللبس الشيك والاستايل ربنا جميل وبيحب الجمال
لكن كله فى حدود المعقول والمقبول واللى يزيد عن حده بيقلب لضده .
وطبعا طريقه اللبس الشاذه فى الشارع بتخلى كل العيون تروح للشخص وطبعا فى اللى بيشوف ويسكت
وفى اللى بيشوف ويدقق النظر فى الشخص وفى اللى بيشوف ويقول كلام شعر فى الشخص وفى اللى
بيعاكس او بتحرش لفظيا ببنت المسيح ليه ندى الناس فرصه انها تعمل معانا كده
وطبعا لما بيشوفوا البنت لابسه كده بيقولوا عليها بصراحه انها مش مؤدبه والفاظ كتير تانى وفى بقى
انك ممكن تسببى مشاكل لشخص مسيحى شافك وشاف واحد بيعاكسك طبعا من غيرته عليكى كاخت فى
المسيح ممكن يقع مش خناق علشان يدافع عنك .
2_طريقه المكياج : طبعا كلنا بنحب الميكاب والبنت قبل ما تنزل بتقف ساعات قدام المرايا تظبط
الميكاب بتاعها طبعا ده مش غلط بس برضه كله يكون فى حدود المعقول والمقبول
3_طريقه المشى: ودى انا مش هتكلم فيها خالص نهائى لان كلنا فاهمين القصد منها
دول 3 اسباب انا شايف ان البنت لازم تاخد بالها منهم قبل ما تنزل من بيتها
اما بقى من ناحيه الشباب
1_فاكر نفسه شاعر:
اول ما بنت حلوه تعدى من قدامه يفضل بقى يقول كلام جميل بيحاول يجذب انتباها او يتعرف بيها
2_انسان مش ابن للمسيح :
بمعنى انه ممكن يكون مسيحى اه بس مش مع خراف المسيح او ابناء المسيح وقلبه بعيد عن ربنا
زطبعا بيحاول بقى يقولك كلام على جمالك او لابسك او الميكاب بتاعك او مشيتك وطبعا فى ناس الفظاها كويسه وناس الفاظه جارحه
3_شخص غير سوى او غير مؤدب :
وطبعا كلنا عارفين بقى كلام الناس دى بيكون ازاى حتى فى طريقه كلامهم العادى كلها الفاظ جارحه وطبعا محدش فينا بيحب يسمع الكلام اللى بيخدش حياء البنت
الموضوع كبير وكلامى ده قليل قوى عليه
اتمنى انى اسمع اراكم عن التحرش اللفظى وعلاقته بالولد والبنت
بس قبل ما اقفل الموضوع كلمه صغيره بقولها لكل اخت ليا فى المسيح
ياترى ينفع اننا نبقى على هيكل الله ونكون زى باقى الناس مش المفروض اننا نحافظ على هيكل الله
وبلاش نخلى حد يتحرش بينا لفظيا
اتمنى ان الموضوع يكون سبب بركه لكل بنت وولد من ابناء المسيح
واحب اسمع ارائكم وتعلقياتكم
اخوكم فى المسيح سامى